တရုတ် တိုင်ပေ နိုင်ငံမှာ ကျင်းပ နေတဲ့ ၉ ကြိမ်မြောက် အာရှ ၀ူရှူး ချန်ပီယံရှစ် ပြိုင်ပွဲမှာ မြန်မာ့ လက်ရွေးစင် ၀ူရှူး ကစားသမား အေးသစ္စာမြင့်က ရွှေတံဆိပ် ရယူနိုင် ခဲ့ပါတယ်။
အေးသစ္စာမြင့်ဟာ ၀ူရှူး ပြိုင်ပွဲရဲ့ နန်းတောင်း ပြိုင်ပွဲ အမျိုးအစားမှာ ရွှေတံဆိပ် ရရှိခဲ့တာ ဖြစ်ပြီး ဟောင်ကောင်က ဒုတိယ၊ ဗီယက်နမ်က တတိယ ရရှိခဲ့ ပါတယ်။
အာရှ ၀ူရှူး ချန်ပီယံရှစ် ပြိုင်ပွဲမှာ မြန်မာနိုင်ငံက အမျိုးသား ပြိုင်ပွဲမှာ ငြိမ်းချမ်း ကိုကိုနဲ့ အမျိုးသမီး ပြိုင်ပွဲမှာ စန္ဒီဦး၊ မြတ်သက် ဆုဝေဖြိုးနဲ့ အေးသစ္စာမြင့်တို့ ၀င်ရောက် ယှဉ်ပြိုင်နေတာ ဖြစ်ပါတယ်။
နန်းတောင်း ပြိုင်ပွဲမှာ ရွှေတံဆိပ် ရခဲ့တဲ့ အေးသစ္စာမြင့်ဟာ နမ်းချွမ် ပြိုင်ပွဲမှာလည်း တတိယ ကြေးတံဆိပ် ရရှိခဲ့ ပါတယ်။
ဝူရှူးပြိုင်ပွဲမှာ ဆန်းဆို အတိုက်ပြိုင်ပွဲနဲ့ ထောက်လု အပြပြိုင်ပွဲ နှစ်မျိုးရှိပြီး မြန်မာ ကစားသမားတွေ အနေနဲ့ အပြပြိုင်ပွဲတွေမှာပဲ ၀င်ရောက် ယှဉ်ပြိုင် ခဲ့တာဖြစ်ပါ တယ်။
အာရှဝူရှူးချန်ပီယံ ပြိုင်ပွဲကို စက်တင်ဘာ ၅ ရက် အထိ ကျင်းပ သွားမှာ ဖြစ်ပါတယ်။
by DVB
Originally published at - http://burmese.dvb.no/archives/167012
No comments:
Post a Comment