ပရီးမီးယားလိဂ် ပွဲစဉ် ၁၀ လက်ကျန် ပွဲစဉ် အဖြစ် စတုတ်စီးတီးနဲ့ ဆွမ်ဆီးတို့ အောက်တိုဘာ ၃၁ ရက်ညက ယှဉ်ပြိုင်ရာ စတုတ်က အိမ်ကွင်းမှာ ၃ ဂိုး ၁ ဂိုးနဲ့ အနိုင်ရ သွားပါတယ်။
စတုတ်စီးတီးဟာ ဒီပွဲမှာ အနိုင်ရတဲ့အတွက် ပရီးမီးယားလိဂ် အမှတ်ပေးပွဲ နောက်ဆုံးသုံးပွဲဆက် အနိုင်ရခဲ့တာလည်း ဖြစ်ပါတယ်။
ပွဲအစ ၃ မိနစ်မှာပဲ ဘိုနီက စတုတ်စီးတီးအတွက် အဖွင့်ဂိုး သွင်းယူပေးခဲ့ပြီး ၈ မိနစ်မှာ ဆွမ်ဆီးအတွက် Routledge က ချေပဂိုး ပြန်သွင်းပေးခဲ့လို့ ပထမပိုင်းအပြီးမှာ ၁ ဂိုးစီ သရေကျခဲ့ပါတယ်။
ဒီပွဲမှာ ဆွမ်ဆီးက ဘောလုံးပိုင်ဆိုင်မှု အနည်းငယ် အသာစီးရခဲ့ပေမယ့် ဂိုးကန်သွင်းခွင့်မှာတော့ စတုတ်က အသာရခဲ့ပါတယ်။
ပွဲချိန် ၅၅ မိနစ်မှာ ဆွမ်ဆီးကစားသမား မော်ဆန် ကိုယ့်ဂိုး ကိုယ်ပြန်သွင်းမိသလို ၇၃ မိနစ်မှာ စတုတ်တိုက်စစ်မှူး ဘိုနီကပဲ တဂိုး ထပ်သွင်းခဲ့လို့ ပွဲအပြီးမှာ စတုတ်က ၃ ဂိုး ၁ ဂိုးနဲ့ အနိုင်ရသွားတာပါ။
ဒီပွဲအပြီးမှာတော့ စတုတ်က ရမှတ် ၁၂ နဲ့ အမှတ်ပေးဇယား အဆင့် ၁၂ နေရာမှာ ရပ်တည်နေပြီး ဆွမ်ဆီးကတော့ ၅ မှတ်နဲ့ တန်းဆင်းဇုန် အဆင့် ၁၉ မှာ ရှိနေပါတယ်။
From : ဒီဗွီဘီ
Originally published at - http://burmese.dvb.no/archives/174249
No comments:
Post a Comment