ရီးရဲလ် မက်ဒရစ် တိုက်စစ်မှူး စီရော် နယ်ဒိုဟာ ၂၀၂၁ ခုနှစ် အထိ အသင်းနဲ့ စာချုပ် သက်တမ်း တိုးဖို့ ဆွေးနွေးနေ ပါတယ်။
အသက် ၃၁ နှစ်ရှိ စီရော်နယ်ဒိုဟာ ၂၀၁၈ ခုနှစ် အထိ စာချုပ် သက်တမ်း ကျန်ရှိသေး ပေမယ့် နောက်ထပ် ၃ နှစ် ထပ်တိုးမှာ ဖြစ်ပြီး တပတ်လုပ်ခ အဖြစ် ပေါင် ၃ သိန်း ၅ သောင်း ၆ ထောင် ရရှိမှာ ဖြစ်တယ်လို့ သိရပါတယ်။
စာချုပ် သက်တမ်း တိုးဖြစ်ရင် စီရော်နယ်ဒို အနေနဲ့ သူ့အသက် ၃၆ နှစ် အထိ ရီးရဲလ် အသင်းမှာ ရှိနေမှာ ဖြစ်ပါတယ်။
ရီးရဲလ်မက်ဒရစ် အသင်းဟာ တောင်ပံ တိုက်စစ်မှူး တဦးဖြစ်တဲ့ ဂါရတ်ဘေးလ် ကိုလည်း ပြီးခဲ့တဲ့ ရက်ပိုင်းကမှ နှစ်ရှည် စာချုပ် ချုပ်ဆို ထားပါတယ်။
ပေါ်တူဂီ အသင်း ခေါင်းဆောင် စီရော်နယ်ဒိုဟာ ၂၀၀၉ ခုနှစ်က မန်ယူ ကနေ ရီးရဲလ် အသင်းဆီ ပြောင်းရွှေ့လာတာ ဖြစ်ပြီး ရီးရဲလ်အသင်း အတွက် ၃၇၁ ဂိုး သွင်းယူ ထားပါတယ်။
From : ဒီဗွီဘီ
Originally published at - http://burmese.dvb.no/archives/175158
No comments:
Post a Comment