၂၀၁၅-၁၆ စီးရီးအေ အကောင်းဆုံး ဆုများကို ဂျူဗင်တပ်စ် အသင်း သိမ်းပိုက်

ဇန်န၀ါရီ ၃၁၊ အီတလီ

၂၀၁၅-၁၆ ခုနှစ် အတွက် စီးရီးအေ အကောင်းဆုံး ဆုပေးပွဲ အခမ်း အနားကို မီလန်မြို့တွင် ကျင်းပ ပြုလုပ် ခဲ့ရာ ဂျူဗင်တပ်စ် အသင်းက ဆုအများ အပြားကို သိမ်းပိုက် ရရှိ ခဲ့သည်။

စီးရီးအေ တစ်နှစ်တာ အကောင်းဆုံး နည်းပြဆုကို ဂျူဗင်တပ်စ် နည်းပြ အယ်လီဂရီက ရရှိ ခဲ့ပြီး အကောင်းဆုံး ကစားသမား ဆုကို ဂျူဗင်တပ်စ်
နောက်ခံလူ ဘိုနုချီက ရရှိ ခဲ့သည်။

၂၀၁၁-၁၂ ရာသီမှ စတင်ပြီး စီးရီးအေ ချန်ပီယံ ဆုကို ဆက်တိုက် ရယူနိုင်ခဲ့သည့် ဂျူဗင်တပ်စ် အသင်းအတွက် ငါးကြိမ်ဆက် ချန်ပီယံ ဆုကို ရယူပေးနိုင် ခဲ့ခြင်းကြောင့် အကောင်းဆုံး ဆုများကို ဂျူဗင်တပ်စ် အသင်းမှ အများစု ရရှိခဲ့ ကြခြင်း ဖြစ်သည်။

တစ်နှစ်တာ အကောင်းဆုံး အသင်း အတွက် ကစားသမား ၁၁ ဦးကို ရွေးချယ် ခဲ့ရာတွင်လည်း ဂျူဗင်တပ်စ် အသင်းက ၈ ဦး အထိ ပါဝင်ခဲ့သည်။

လက်ရှိမန်ယူတွင် ကစားနေသည့် ပေါ့ဂ်ဘာမှာလည်း အကောင်းဆုံး ကွင်းလယ် ကစားသမား တစ်ဦးအဖြစ် ရွေးချယ် ခံခဲ့ရသည်။

အကောင်းဆုံးဆု ရရှိပြီးနောက်တွင် ဂျူဗင်တပ်စ် နည်းပြ အယ်လီဂရီက ယခုနှစ်တွင် ခြောက်နှစ် ဆက်တိုက် စီးရီးအေ ဆုဖလား ရယူရန်မှာ အဓိက ရည်မှန်းချက် ဖြစ်ကြောင်း ပြောဆို ခဲ့သည်။

`ခြောက်နှစ်ဆက် ဆုဖလား ရရှိဖို့က ကျွန်တော်တို့ရဲ့ အဓိက ရည်မှန်း ချက်ပါ။ အီတလီမှာ ဘယ်အသင်းမှ ခြောက်နှစ် ဆက်တိုက် စီးရီးအေ ချန်ပီယံ မဖြစ်ဖူး ပါဘူး။ အခုနှစ် ချန်ပီယံဆု အတွက် ရိုးမား၊ နာပိုလီ၊ အင်တာမီလန် တို့နဲ့ အဓိက ယှဉ်ပြိုင် ရပါလိမ့်မယ်´ ဟု အယ်လီဂရီက ဆိုခဲ့သည်။

စီးရီးအေ တစ်နှစ်တာ အကောင်းဆုံး အသင်း

ဂိုး - ဘတ်ဖွန်(ဂျူဗင်တပ်စ်)

နောက်တန်း - ဘိုနုချီ(ဂျူဗင်တပ်စ်)၊ ချီလီနီ(ဂျူဗင်တပ်စ်)၊ ဘာဇာဂလီ(ဂျူဗင်တပ်စ်)၊ ကော်လီဘလေး(နာပိုလီ)

အလယ်တန်း - ပေါ့ဂ်ဘာ(ဂျူဗင်တပ်စ်/မန်ယူ)၊ ပီဂျန်နစ်(ရိုးမား/ဂျူဗင်တပ်စ်)၊ နိုင်ဂိုလန်(ရိုးမား)၊ ဟမ်ဆစ်(နာပိုလီ)

ရှေ့တန်း - ဒိုင်ဘာလာ(ဂျူဗင်တပ်စ်)၊ ဟီဂူအင်(နာပိုလီ/ဂျူဗင်တပ်စ်)

ရည်ညွှန်း ဒေးလီးမေးလ်

From : Myanmar Now by အောင်ငြိမ်းသွေး

Originally published at - http://mizzimaburmese.com