ဖေဖော်ဝါရီ ၃၊ လီဗာပူးလ်
ချယ်လ်ဆီးနှင့် ပွဲမှ ပင်နယ်တီ ပေးရမှုမျိုး ထပ်ကြုံ ရပါက ယင်းအချိန် တုန်းကဲ့သို့ အပြုအမူမျိုး ထပ်လုပ်နိုင် သေးသည်ဟု လီဗာပူးလ် နည်းပြ ဂျာဂျန် ကလော့ပ်က ဝန်ခံ လိုက်သည်။
နည်းစနစ် ကြီးကြပ် ဧရိယာ အတွင်း စိတ်လှုပ်ရှားမှုကို ထိန်းနိုင်ခြင်း မရှိဟုလည်း ၄င်းက ဝန်ခံသည်။
ချယ်လ်ဆီးနှင့် တစ်ဂိုးစီ သရေကျသည့် ပွဲတွင် ဒီယေဂို ကော်စတာ၏ ပင်နယ်တီကို လီဗာပူးလ် ဂိုးသမားမစ်ဂ်နိုလက် ကာကွယ်နိုင် ခဲ့ပြီးနောက် မိမိသည် စတုတ္ထဒိုင် နီးလ်ဆွာ ဘရစ်၏ မျက်နှာကိုကြည့်ပြီး “ဘယ်သူမှ ငါတို့ကို အနိုင်ယူလို့ မရဘူး”ဟု အော်ဟစ် ခဲ့သော်လည်း အရေးယူ ခံရခြင်းမရှိ၍ ကံကောင်း ခဲ့ကြောင်း ကလော့ပ် က ပြောသည်။
ယင်းအပြုအမူ အတွက် ရှက်နေသည့် ကလော့ပ်က ၎င်းကို ပွဲကြည့်စင်သို့ နှင်ထုတ်ခြင်း မရှိခဲ့သည့် ဆွာဘရစ်ကို ကျေးဇူး တင်နေသည်။
အပြုအမူကိုထိန်းရန် အပြင်း အထန် ကြိုးစားနေသော်လည်း ပွဲရှိန်တက်နေချိန်တွင် ယင်းသို့ထပ်မဖြစ်ရန် အာမ မခံနိုင်ဟုလည်း ပြောသည်။
“ဒါမျိုးထပ်မဖြစ်ဖို့ကိုတော့ အာမ မခံနိုင်ပါဘူး။ နောက်မဖြစ်တော့ဘူးလို့ အခုပြောရင် အဲဒါလိမ်တာပဲ။ အာစင်ဝင်းဂါးဟာ စတုတ္ထဒိုင်ဆီကို တွန်းဖို့သွားတတ်တဲ့လူမျိုးလို့ ထင်လား။ သူအဲဒီလိုလူမျိုးမဟုတ်ဘူးဆိုတာ လူတိုင်းသိပါတယ်။
ပွဲအခြေအနေကြောင့်ဖြစ်လာတာပါ။ အကျင့်စရိုက်ကြောင့်ဖြစ်လာတာ မဟုတ်ပါဘူး။ တစ်ခါတရံမှာ ကိုယ့်ကိုယ်ကိုယ်ထိန်းချုပ် မရနိုင်ဘဲ ကျွန်တော်အော်ဟစ် ခဲ့သလိုပဲ အော်ဟစ်နိုင် ပါတယ်။
ကျွန်တော့်အပြုအမူအတွက်ကံကောင်းခဲ့ပြီး စတုတ္ထဒိုင်အတွက်လည်း စိတ်အနှောက်အယှက်မဖြစ်စေဘူးလို့ မျှော်လင့်ပါတယ်။ သူက လူသားဆန်စွာပြန်လည်တုန့်ပြန်ခဲ့ပါတယ်”ဟု ကလော့ပ်က ပြောသည်။
Ref; Mirror
From : မဇ္ဈိမ မီဒီယာ by ဝေဘုန်းလူ
Originally published at - http://mizzimaburmese.com/article/23108
No comments:
Post a Comment