ကိုပါ အီတာလီယာ ဆီမီး ဖိုင်နယ် ပထမ အကျော့ ပွဲစဉ် အဖြစ် ဂျူဗင်တပ်နဲ့ နာပိုလီတို့ ဖေဖော်ဝါရီ ၂၈ ရက်ညက ယှဉ်ပြိုင်ရာ ဂျူဗင်တပ်က ၃ ဂိုး ၁ ဂိုးနဲ့ အနိုင်ရ သွားပါတယ်။
ဒီပွဲစဉ်မှာ နှစ်သင်း စလုံး အဓိက ကစားသမား အများစုနဲ့ ပွဲထွက် ယှဉ်ပြိုင် ခဲ့ကြပါတယ်။
ဂျူဗင်တပ် အိမ်ကွင်းမှာ ယှဉ်ပြိုင်ရတဲ့ ဒီပွဲမှာ နာပိုလီက ဘောလုံးပိုင်ဆိုင်မှု အနည်းငယ် အသာစီးရခဲ့ပေမယ့် ထိုးဖောက်ကန်သွင်းခွင့်မှာတော့ အိမ်ရှင် ဂျူဗင်တပ်က အသာရခဲ့တာပါ။
ဒီပွဲရဲ့ အဖွင့်ဂိုးကို ပွဲချိန် ၃၆ မိနစ်မှာ နာပိုလီတိုက်စစ်မှူး ကယ်လီဂျွန်က သွင်းယူပေးခဲ့ပြီး ပထမပိုင်းမှာ ၁ ဂိုး ဂိုးမရှိနဲ့ နာပိုလီက ဦးဆောင်နိုင်ခဲ့ပါတယ်။
ဒါပေမယ့် ဒုတိယပိုင်း ပြန်စပြီး ပွဲချိန် ၄၇ မိနစ်နဲ့ ၆၉ မိနစ်မှာ ဂျူဗင်တပ် ပယ်နယ်တီကန်သွင်းခွင့်တွေရခဲ့ပြီး တိုက်စစ်မှူး ဒီဘားလားက အမှားအယွင်းမရှိ သွင်းယူနိုင်ခဲ့သလို ၆၄ မိနစ်မှာလည်း တိုက်စစ်မှူး ဟီဂူအင်က တဂိုးသွင်းယူခဲ့လို့ ပွဲအပြီးမှာ ဂျူဗင်တပ်က ၃ ဂိုး ၁ ဂိုးနဲ့ အနိုင်ရခဲ့တာပါ။
ဒီနှစ်သင်းရဲ့ ဆီမီးဖိုင်နယ် ဒုတိယအကျော့ပွဲစဉ်ကို လာမယ့် ဧပြီ ၄ ရက်နေ့ကျရင် နာပိုလီကွင်းမှာ ထပ်မံယှဉ်ပြိုင်ရမှာ ဖြစ်ပါတယ်။
From : ဒီဗွီဘီ
Originally published at - http://burmese.dvb.no/archives/192138
No comments:
Post a Comment