မတ် ၁၂၊ အင်္ဂလန် ။ ။ လီဗာပူးလ် အသင်း နည်းပြ ဂျာဂင် ကလော့ပ်က ၎င်းတို့ အသင်း အနေဖြင့် ယခုနှစ် ရာသီတွင် ချန်ပီယံလိဂ် ၀င်ခွင့် ဆုံးရှုံး သွားနိုင်သည်ဟု ၀န်ခံပြောဆို လိုက်သည်။
ဘန်လေနှင့်ပွဲမကစားခင်အချိန်အထိ လီဗာပူးလ်အသင်းသည် ရမှတ် ၅၂ မှတ်ဖြင့် အဆင့်လေးနေရာတွင် ရပ်တည်နေသည်။ အဆင့် ၅ မှ အာဆင်နယ်နှင့် အဆင့် ၆ မှ မန်ယူအသင်းတို့ထက် တစ်ပွဲပိုကစားထားပြီး အာဆင်နယ်ထက် ၂ မှတ်၊ မန်ယူထက် ၃ မှတ် အသာရနေသည်။
'လက်ရှိအချိန်မှာတော့ ချန်ပီယံလိဂ်ဝင်ခွင့်က ကျွန်တော်တို့ လက်ထဲမှာ ရှိနေပါတယ်။ ချန်ပီယံလိဂ်ဝင်ခွင့်ရအောင် ဘယ်လိုလုပ်မလဲဆိုတာကိုပဲ တွေးသင့်ပါတယ်။ ၀င်ခွင့်မရခဲ့ရင်တော့ စိတ်ပျက်စရာ ဖြစ်လာမှာပါ။
ချန်ပီယံလိဂ်ဝင်ခွင့်က ဆုံးရှုံးသွားနိုင်ပါတယ်။ ဘာကြောင့်လဲဆိုတော့ ပြိုင်ဘက်တွေအားလုံးက ချန်ပီယံလိဂ်ဝင်ခွင့်ရအောင်စွမ်းဆောင်နိုင်စွမ်းရှိကြလို့ပါ။ အဆင့်လေးအတွင်းဝင်ဖို့ ဘယ်အသင်းကြီးမှ အာမခံချက်မရှိပါဘူး။ ပြီးခဲ့တဲ့တစ်ပတ်က အဆင့်လေးအတွင်းမှာ ရှိနေပေမယ့် နောက်တစ်ပတ်မှာ အဆင့်လေးအပြင် ပြန်ရောက်ချင်ရောက်သွားတာပါ။ ပြိုင်ပွဲပြီးဆုံးဖို့ ပွဲတွေအများကြီးကစားရပါဦးမယ်။
ချန်ပီယံလိဂ်ဝင်ခွင့်က ကျွန်တော်တို့အတွက် အကြီးမားဆုံးရည်မှန်းချက်ပါ။ ၀င်ခွင့်ရဖို့အတွက် ဘာမဆို ပြုလုပ်သွားမှာပါ' ဟု ဂျာဂင်ကလော့ပ်က ပြောဆိုခဲ့သည်။
ရည်ညွှန်း ဂိုးလ်ဒေါ့ကွန်း
From : မဇ္ဈိမ မီဒီယာ by အောင်ငြိမ်းသွေး
Originally published at - http://mizzimaburmese.com/article/24557
No comments:
Post a Comment