စပိန်ကလပ် အက်သလက် တီကို မက်ဒရစ် အသင်းက တိုက်စစ်မှူး ဂရစ်ဇ်မန်းကို စာချုပ် သက်တမ်း တိုးဖို့ ပြင်ဆင် နေပါတယ်။
မက်ဒရစ် တိုက်စစ်မှူး ဂရစ်ဇ်မန်းကို မန်ယူ အသင်းက ခေါ်ယူဖို့ ပစ်မှတ် ထားနေတာပါ။
ပြင်သစ် တိုက်စစ် မှူးဟာ တီကို အသင်းမှာ ခြေစွမ်းပြ ကစား နေသူလည်း ဖြစ်ပါတယ်။
မန်ယူနည်းပြ မော်ရင်ဟိုက ဂရစ်ဇ်မန်းကို ပေါင် ၈၅ သန်း အထိပေးပြီး ကမ်းလှမ်းဖို့ ပြင်ဆင် ထားတယ်လို့ သတင်းတွေမှာ ခန့်မှန်း ထားပါတယ်။
အက်သလက်တီကိုအသင်းက ဂရစ်ဇ်မန်းကို လစာတိုးပေးပြီး အသင်းမှာ ဆက်ထိန်းနိုင်ဖို့ ရည်ရွယ်နေတာပါ။
တိုက်စစ်မှူးရဲ့ လောလောဆယ် တပတ်လုပ်ခလစာဟာ ပေါင် ၁ သိန်း ၂ သောင်း ဖြစ်ပြီး တီကိုအသင်းက ပေါင် ၁ သိန်း ၈ သောင်းအထိ တိုးပေးဖို့ စီစဉ်နေတာ ဖြစ်ပါတယ်။
ပြင်သစ်တိုက်စစ်မှူးရဲ့ တီကိုအသင်းနဲ့ လက်ရှိ စာချုပ်သက်တမ်းဟာ ၂၀၂၁ ခုနှစ် ကုန်ဆုံးမှာဖြစ်ပါတယ်။
ဓါတ်ပုံ - ရိုက်တာ
From : ဒီဗွီဘီ
Originally published at - http://burmese.dvb.no/archives/200591
No comments:
Post a Comment