အဲဗာတန် တိုက်စစ်မှူး လူကာကူဟာ ချဲလ်ဆီး အသင်းဆီ ပြန်လည် ပြောင်းရွှေ့ကစားဖို့ ဆန္ဒ ရှိနေ ပါတယ်။
အသက် ၂၄ နှစ်ရှိ လူကာကူဟာ ၂၀၁၄ ခုနှစ်က ချဲလ်ဆီး အသင်းကနေ အဲဗာတန် အသင်းဆီ ပေါင် ၂၈ သန်းနဲ့ ပြောင်းရွှေ့ လာတာပါ။
လူကာကူ အနေနဲ့ အဲဗာတန် အသင်းမှာ ခြေစွမ်းပြ ဂိုးတွေ သွင်းခဲ့ပေမယ့် ထိပ်တန်း အသင်းကြီး တသင်းကို ပြောင်းရွှေ့လိုနေပြီး ချန်ပီယံလိဂ်ပြိုင်ပွဲ ကစားခွင့်ရဖို့ မျှော်လင့် ထားပါတယ်။
လာမယ့်ရာသီ အဲဗာတန်အသင်းမှာ ဆက်ကစားမှာ မဟုတ်ဘဲ အသင်းပြောင်းရွှေ့ဖို့ အတွက် သူ့ရဲ့အေးဂျင့်ဖြစ်သူဟာလည်း ထိပ်တန်း အသင်းတွေနဲ့ ဆွေးနွေးမှုတွေ လုပ်နေ တယ်လို့ လူကာကူက ဆိုပါတယ်။
လူကာကူဟာ ပြီးခဲ့တဲ့ ရာသီက အဲဗာတန် အသင်းအတွက် ပရီးမီးယားလိဂ်သွင်းဂိုး ၂၅ ဂိုးအထိ သွင်းယူနိုင် ခဲ့ပါတယ်။
အဲဗာတန်အသင်းဟာ လူကာကူအတွက် ပေါင်သန်း ၁၀၀ လောက် ပြောင်းရွှေ့ကြေး သတ်မှတ်ထားပြီး ချဲလ်ဆီးအသင်းနဲ့ မန်ယူအသင်းတို့က သူ့ကို ခေါ်ယူဖို့ စိတ်ဝင်စားနေပါတယ်။
From : ဒီဗွီဘီ
Originally published at - http://burmese.dvb.no/archives/211116
No comments:
Post a Comment