တိုက်စစ်မှူး အသစ် ခေါ်ယူ ပေးရန် ရခိုင် ယူနိုက်တက် နည်းပြ တောင်းဆို

ရခိုင် ယူနိုက်တက် ကစားသမားများ ဂိုးသွင်းပြီး အောင်ပွဲ ခံနေစဉ်။ (ဓာတ်ပုံ - ရခိုင် ယူနိုက်တက်)
ဖေဖေါ်ဝါရီ ၂၉၊ ရန်ကုန်

ရခိုင် ယူနိုက်တက် အသင်းနည်းပြ ဦးအောင်ဇော်မျိုးက ရာသီဝက် အပြောင်း အရွှေ့ကာလ အတွင်း တိုက်စစ်မှူး အသစ် ခေါ်ယူ ပေးရန် အသင်းဘုတ် အဖွဲ့ထံ တောင်းဆို ထားသည်။

ရခိုင် အသင်းသည် ၂၀၁၆ ဘောလုံး ရာသီ အတွက် နိုင်ငံခြားသား တိုက်စစ်မှူး အဖြစ် ဘရာဇီး တိုက်စစ်မှူး အင်ဒရေ၊ မြန်မာ တိုက်စစ်မှူးများ အဖြစ် ဒွေးကိုကိုချစ်၊ မျိုးဇော်ဦး တို့ကို ခေါ်ယူ အားဖြည့် ထားသော်လည်း ဂိုးရရှိရန် အတွင် အင်ဒရေ တစ်ဦးတည်း ကိုသာ မှီခို အားထား နေရသည်။

“တိုက်စစ်ပိုင်းက အခုထိ အချိတ် အဆက် မရှိသေးဘူး။ ဒွေးကိုကိုချစ်က ခြေစွမ်း အရ ပွဲထွက် သုံးလို့ မရသေးဘူး။ ရာသီဝက် အပြောင်း အရွှေ့ဈေးကွက်မှာ တိုက်စစ်မှူး ခေါ်ဖို့အသင်းဘုတ် အဖွဲ့ကို တင်ပြ သွား ပါမယ်။

အသင်း ကစားပုံက ဒုတိယ အကျော့ ရောက်ရင် ဒီထက် ပိုကောင်း လာနိုင် ပါတယ်။”ဟု ဦးအောင်ဇော်မျိုးက ပြောသည်။

ရခိုင် ယူနိုက်တက် အသင်းမှာ မြန်မာ နေရှင်နယ်လိဂ် ပွဲစဉ် (၈) အပြီးတွင် သွင်းဂိုး ၇ ဂိုးသာ ရရှိ ထားပြီး ဘရာဇီး တိုက်စစ်မှူး အင်ဒရေ တစ်ဦးတည်းက ၅ ဂိုးအထိ သွင်းယူ ထားနိုင်သည်။

ရခိုင် ယူနိုက်တက် အသင်းမှာ လက်ရှိ အချိန်တွင် ၁ပွဲနိုင်၊ ၃ပွဲရှုံး၊ ၄ ပွဲ သရေ ရလဒ် ရရှိ ထားပြီး ရမှတ် ၇ မှတ်ဖြင့် အမှတ်ပေး ဇယား အဆင့် ၁၀ နေရာမှာ ရပ်တည် နေပါတယ်။

မဇ္ဈိမသတင်း by mizzima

Originally published at - http://mizzimaburmese.com/article/11788