မန်ယူအသင်း ရုရှားကလပ် ရော့စတော့ဗ်နှင့် ၁ ဂိုးစီ သရေကျ (ရုပ်သံဟိုက်လိုက်)

မနေ့ညက ယှဉ်ပြိုင် သွားတဲ့ ယူရိုပါလိဂ် ရှုံးထွက် ၁၆ သင်း အဆင့် ပထမ အကျော့မှာ မန်ယူ အသင်းဟာ ရုရှား ကလပ် ရော့စတော့ဗ်နဲ့ ၁ ဂိုးစီ သရေကျ ခဲ့ပါတယ်။

ရုရှားမြေမှာ ယှဉ်ပြိုင်တဲ့ ဒီပွဲမှာ ဦးဆောင်ဂိုး ကိုတော့ မန်ယူ အသင်းက ရရှိခဲ့ပြီး အီဘရာဟီ မိုဗစ်ခ်ျရဲ့ ပေးပို့မှု ကနေ မစ်ခီတာယန်းက ၃၅ မိနစ်မှာ ကန်သွင်း ယူခဲ့တာပါ။

မစ်ခီတာယန်းအနေနဲ့ တိုက်စစ်မှူး ရွန်နီ နောက်ပိုင်း ဥရောပပြိုင်ပွဲတွေမှာ မန်ယူအသင်းအတွက် ၃ ပွဲဆက် ဂိုးသွင်းယူနိုင်သူအဖြစ်လည်း မှတ်တမ်းဝင်သွားခဲ့ပါတယ်။

ဒုတိယပိုင်းမှာတော့ ရော့စတော့ဗ်အသင်းရဲ့ တိုက်စစ်ကစားပုံ ပိုကောင်းလာခဲ့ပြီး မန်ယူအသင်းဘက်ကို ခြိမ်းခြောက်မှုတွေ ပြုလုပ်လာနိုင်ခဲ့ပါတယ်။

၅၃ မိနစ်မှာတော့ ညာတောင်ပံကစားသမား ကာလာချက်ဗ် ကွင်းလယ်လောက်က တင်ပေးတဲ့ဘောလုံးကို တိုက်စစ်မှူး ဘူခါရော့ဗ်က ချေပဂိုးအဖြစ် ကန်သွင်းယူ ခဲ့တာကြောင့် မန်ယူ အသင်းအနေနဲ့ သရေရလဒ်နဲ့ ကျေနပ်ခဲ့ ရပါတယ်။



From : ဒီဗွီဘီ

Originally published at - http://burmese.dvb.no/archives/193947