ပရီး မီးယားလိဂ် ပွဲစဉ် အဖြစ် အမှတ်ပေး ဇယား ထိပ်က ချဲလ်ဆီးနဲ့ တန်းဆင်းဇုန် ထဲက မစ်ဒယ် ဘရော့တို့ မေ ၈ ရက်က ယှဉ်ပြိုင်ရာ ချဲလ်ဆီးက ၃ ဂိုး ဂိုးမရှိနဲ့ အနိုင်ရပြီး ချန်ပီယံ ဖြစ်ရေး ပိုမို နီးစပ် လာပါတယ်။
ချဲလ်ဆီး အတွက် အဖွင့် ဂိုးကို ၂၃ မိနစ်မှာ တိုက်စစ်မှူး ဒီယေဂို ကော်စတာက သွင်းယူပေး ခဲ့ပြီး ၃၄ မိနစ်မှာ အလွန် ဆိုက တဂိုး ထပ်သွင်း ခဲ့လို့ ပထမပိုင်း အပြီးမှာ ချဲလ်ဆီးက ၂ ဂိုး ဂိုးမရှိနဲ့ ဦးဆောင် ထားနိုင် ခဲ့ပါတယ်။
ချဲလ်ဆီးဟာ တိုက်စစ်မှာ ကော်စတာ၊ ဟာဇက်၊ ပက်ဒရိုနဲ့ ပွဲထွက်ခဲ့သလို တိုက်စစ်ဆင် ဂိုးကန်သွင်းနိုင်မှုရော ဘောလုံးပိုင်ဆိုင်မှုမှာပါ အသာရခဲ့ပါတယ်။
ချဲလ်ဆီးအတွက် တတိယဂိုးကိုတော့ ပွဲချိန် ၆၅ မိနစ်မှာ မာတစ်က သွင်းယူပေးခဲ့ပါတယ်။
ဒီပွဲအနိုင်ရတဲ့ ချဲလ်ဆီးအသင်းဟာ အမှတ်ပေးချန်ပီယံဖြစ်ရေး လက်ကျန်ပွဲစဉ် ၃ ပွဲမှာ တပွဲအနိုင်ရတာနဲ့ ချန်ပီယံဖြစ်မှာဖြစ်ပါတယ်။
မစ်ဒယ်ဘရော့ကတော့ ဒီပွဲရှုံးနိမ့်ခဲ့တဲ့အတွက် ရာသီကုန်မှာ တန်းဆင်းရဖို့ သေချာသွားပြီ ဖြစ်ပါတယ်။
From : ဒီဗွီဘီ
Originally published at - http://burmese.dvb.no/archives/205510
No comments:
Post a Comment